宁波经典童谣

蓝色树莓

11、

两角辫子翘又翘，问侬老公要弗要。

老公长，会打墙；老公矮，会抲蟹；

抲来两只老毛蟹，一只吃，一只卖，

顶好卖八（给）丈母娘。

蓝色树莓

12、

阿囡哎，侬要啥人抱？

我要阿娘抱，阿娘腰骨伛勿倒；

阿囡哎，侬要啥人抱？

我要阿爷抱，阿爷胡须捋捋困晏觉；

阿囡哎，侬要啥人抱？

我要阿姆抱，阿姆搭囡囡做袄袄；

阿囡哎，侬要啥人抱？

我要阿爹抱，阿爹出门赚元宝；

阿囡哎，侬要啥人抱？

我要阿姊抱，阿姊头发没梳好；

阿囡哎，侬要啥人抱？

我要阿哥抱，阿哥看牛割青草；

阿拉阿囡呒人抱，摇篮里头去困觉。

蓝色树莓

13、

叮叮啵啵货啷担，小妹呕我吃夜饭，

啥下饭，苋菜管， 肚皮会吃急咕咕，

后门口头去股股， 生个小妮姑，

红红布衫绿绿裤， 跟勒爹爹打要鼓。

蓝色树莓

14、

正月梅花香又香，二月兰花盆里装。

三月桃花红千里，四月蔷薇靠矮墙。

五月石榴红喷喷，六月荷花满池塘。

七月栀子头上戴，八月桂花满园香。

九月菊花初开放，十月芙蓉着艳装。

十一月水仙桌上供，十二月腊梅雪里香。

蓝色树莓

15、

背猡猡，卖香猡，卖来卖去臭猪猡。

蓝色树莓

16、

勿吃阿拉土特产，要侬放落毛竹筷。

勿吃邱隘咸齑汤，脚骨有眼酸汪汪。

勿吃奉化芋艿头，难闯三关六码头。

勿吃周宿渡脆瓜，跌落三颗大门牙。

勿吃楼茂记香千，生活做煞呒相干。

勿吃老同源咸货，乖人要变老呆大。

蓝色树莓

17、

老鼠尾巴像挫刀，老鼠眼睛像胡桃。

前脚低，后脚高，身穿一件破棉袄，

日里趣趣困黯觉，夜里做贼做强盗，

黄鼠狼，看见告诉老爷道，

老爷是噶话，你个赤佬也勿好！

得人家生蛋鸡娘咬咬倒，

害的两家公婆鸡狗鸡狗吵不好。

蓝色树莓

18、

点点窝窝，猫儿做窠，青布念布。

蓝色树莓

19、

瞌瞌嘞，瞌瞌勒，阿拉囡囡是要瞌瞌勒。

蓝色树莓

20、

天封塔十八格，唐朝造起天封塔，鲁班师傅会呆煞，人家儿子要做贼，阿拉儿子勿做贼。